Ózbekstandaǵy órtte qaza tapqandar sany 4-ke jetti

TAShKENT. KAZINFORM — Bul týraly búgin ÓR Ferǵana oblysynyń Іshki ister basqarmasy resmı aqparat taratty.

UzA málimetinshe, keshe, 17 jeltoqsan kúni saǵat 13:45–te Ferǵana qalasyndaǵy «Petrolium» propan gaz quıý beketinde gaz quıý protsesinde jarylys bolyp, órt shyqqan.

— Keshe 1 azamat oqıǵa ornynda kóz jumdy, birneshe adam túrli dene jaraqattarymen aýrýhanaǵa jetkizilgen. Oblystyq ІІB resmı aqparaty boıynsha olardyń 3-eýi kórsetilgen medıtsınalyq kómekke qaramastan aýrýhanada kóz jumdy, — delingen habarlamada.

Bul jaǵdaıǵa baılanysty Ferǵana oblysynyń Іshki ister mınıstrligi qylmystyq is qozǵaǵan. Qazirgi ýaqytta qylmystyq is aıasynda 5 adam ustalyp, tergeý amaldary júrgizilýde.

Aıta keteıik, buǵan deıin Ózbekstanda janarmaı quıý beketinde jarylys bolyp, bir adam kóz jumǵanyn jazǵan edik.