Ózbekstandaǵy qazaq qalamgeri Saparbek Imanbekovtiń kitaby jaryq kórdi
TAShKENT. KAZINFORM — Ózbekstandaǵy belgili qazaq jazýshysy Saparbek Imanbekovtiń «Ádilet shýaǵy» atty kitaby jaryq kórdi, dep habarlaıdy Kazinform agenttiginiń Tashkenttegi menshikti tilshisi.
Ózbekstan Jazýshylar odaǵynyń ǵımaratynda ótken kitaptyń tusaýkeser saltanatyna osy eldegi belgili qalamgerler, jýrnalıster jáne qazaq-mádenı ortalyǵynyń basshysy jáne músheleri, Ózbekstandaǵy Qazaq ádebıeti keńesiniń tóraǵasy qatysty.
Saparbek Imanbekovtiń 80 jas mereıtoıyna oraılastyrylǵan is-sharaǵa jınalǵandar qalamgerge shapan jaýyp, qurmet kórsetti. Jazýshynyń «Ádilet shýaǵy» eńbegi Ózbekstan Jazýshylar odaǵynyń qoldaýymen baspadan shyqty.
Bul kitap kórkem aýdarma týyndysy sanalady. ıAǵnı, qalamger Ózbekstannyń Halyq aqyny Abdýlla Arıpovtyń «Adolat oftobı» jınaǵyn qazaq tiline aýdaryp, oqyrmanǵa usynyp otyr.
Tusaýkeserge qatysqandar Saparbek Imanbekovtiń aýdarma salasyndaǵy qajyrly eńbegine toqtaldy. Olardyń paıymynsha, bul Qazaqstan men Ózbekstan arasyndaǵy ádebı baılanystardy nyǵaıta túsýge baǵyttalǵan mańyzdy qadam.
Aıta keteıik, mereıtoı ıesi 1946 jyly Tashkent oblysyna qarasty Bostandyq aýdanynda dúnıege kelgen. Ol týǵan aýylynda ornalasqan № 9 orta mektepte 44 jyl ustaz bolyp eńbek etti. Osy aralyqta birneshe kitap jazdy. Olardyń qatarynda «Dostarymyz jyrlaıdy» jáne «Otan tynysy» sııaqty tanymal týyndylar bar.
Saparbek Imanbekov 2021 jyldan bastap Ózbekstan Jazýshylar odaǵynyń múshesi. Qazirgi ýaqytta qalamger «Haet tarzı» («Ómir salty») kitabyn jazý ústinde.
Buǵan deıin habarlaǵanymyzdaı, 2025 jyly Ózbekstandaǵy birqatar qazaq jazýshysynyń kitaby jaryq kórdi.
