Ózbekstandaǵy gúl festıvali Gınnestiń rekordtar kitabyna endi
ASTANA.KAZINFORM - Namanganda ótken 65-shi halyqaralyq gúl festıvalinde bir aıda egilgen gúlder sany boıynsha álemdik rekord ornatyldy.
Gınnestiń rekordtar kitaby saıty jarııalaǵan aqparatqa sáıkes, festıval úshin arnaıy 29,4 mıllıonnan astam ósimdik qolmen egiledi, talap boıynsha 1 mıllıon gúl egilýi tıis bolǵan. Osylaısha, Namangan «bir aıda birlesip egilgen eń kóp gúl sany» boıynsha Gınnestiń álemdik rekordyn ornatty.
Namangan oblystyq ákimshiligi 20 sáýirden 20 mamyrǵa deıin 65-shi halyqaralyq gúl festıvali aıasynda Namanganda bir aılyq gúl otyrǵyzý naýqanyn ótkizdi.
Maqsat qalanyń gúl ósirý dástúrin jańǵyrtyp, qoǵamdyq jasyl keńistikterdi jaqsartý boldy.
Gúl festıvali 24 mamyrdan 12 shildege deıin ótedi. Uıymdastyrýshylar oǵan shamamen 5 mıllıon adam qatysatynyn aıtty. Festıval aıasynda ǵylymı konferentsııalar, forýmdar, jármeńkeler, kontsertter jáne dron shoýlary sııaqty shamamen 150 is-shara ótedi.
Buǵan deıin Tashkenttegi Islam órkenıeti ortalyǵy Gınnestiń rekordtar kitabyna engen bolatyn.
