Ózbekstandaǵy etnıkalyq qazaq Rýslan Abdýllaev AQSh-ta jeńiske jetti

TAShKENT. KAZINFORM — Búgin, 20 sáýirde AQSh-tyń Kalıfornııa shtatyndaǵy Oýshensaıd qalasynda ótken kásipqoı boks keshinde etnıkalyq qazaq Rýslan Abdýllaev fılıppındik Djıno Rodrıgomen 8 raýndtyq jekpe-jek ótkizdi, dep habarlaıdy ÓzA. 

Áýesqoı bokstan qurlyq jáne álem chempıony, Ózbekstannyń 2021 jylǵy úzdik boksshysy retinde «Rýfat Rısqıev kýbogynyń» ıegeri Rýslan Abdýllaev jekpe-jekti tolyq baqylaýǵa aldy. Jekpe-jektiń 5-shi raýndynda Abdýllaev qarsylasyn nokdaýnǵa túsirdi.

8 raýndqa jalǵasqan jekpe-jekte tóreshilerdiń upaı sany boıynsha Rýslan Abdýllaev 80-71, 80-71, 80-71 esebimen jeńiske jetip, kásipqoı bokstaǵy ekinshi jekpe-jeginde WBA Continental ataǵyn jeńip aldy.

Eske sala keteıik, AQSh-taǵy boks keshinde Sadrıddın Ahmetov qarsylasymen teń tústi.