Ózbekstandaǵy aýdandyq meshitte bolǵan jarylystyń sebebi anyqtaldy

TAShKENT. KAZINFORM — Ózbekstannyń Andıjan oblysyndaǵy meshitte úsh adamnyń ómirin qıǵan jarylysqa gazdyń shyǵýy sebep bolǵan, dep habarlaıdy Kazinform agenttiginiń menshikti tilshisi.

Өзбекстандағы аудандық мешітте болған жарылыстың себебі анықталды
Фото: Өзбекстанның Төтенше жағдайлар министрлігі

— Іzbasqan aýdanyndaǵy meshittiń dáret alýǵa arnalǵan ǵımaratynda bolǵan jarylysqa gazdyń shyǵýy sebep. Atap aıtqanda, jertólede ornalasqan jylytý qurylǵysyna jalǵanǵan qubyr zaqymdanǵan. Saldarynan bólme ishine tabıǵı gaz jınalyp, artynsha elektr jaryǵy qosylǵan ýaqytta jarylys boldy, — dep málim etti Andıjan oblystyq prokýratýrasynyń baspasóz qyzmetinen.

Atalǵan fakti boıynsha «Bılikti nemese laýazymdyq ókilettilikti asyra paıdalaný» jáne «Adam ólimine ákep soqqan órt qaýipsizdigi erejesin buzý» baptary boıynsha qylmystyq is qozǵalyp, tergeý júrip jatyr.

Eske salaıyq, 31 naýryzda Ózbekstannyń Andıjan oblysyndaǵy aýdandyq meshitte joıqyn jarylys boldy. Onyń saldarynan 3 adam qaza taýyp, 10 adam jaraqat aldy.

Сейчас читают