Ózbekstandaǵy alǵashqy krıptobırjanyń lıtsenzııasy kúshin joıdy
ASTANA. KAZINFORM — Ózbekstannyń Bolashaq jobalar ulttyq agenttigi (NAPP) UzNEX krıptobırjasynyń qyzmet lıtsenzııasyn keri qaıtardy.
NAPP málimetinshe, sheshim saýda alańynyń ıesi — ońtústikkoreıalyq Kobea Group kompanııasynyń ótinishi negizinde qabyldanǵan.
Vedomstvonyń habarlaýynsha, klıentterdiń qarajaty men krıptoaktıvteri 3-ten 10 jumys kúni aralyǵynda qaıtarylady. Osy maqsatta kompanııa arnaıy elektrondyq poshta ashqan. Paıdalanýshylar qarajatty qaıtarýǵa qatysty suraqtaryn sol mekenjaı arqyly joldaı alady.
Eske salsaq, 2020 jylǵy 20 qańtarda Kobea Group kompanııasy Ózbekstandaǵy alǵashqy krıptobırja — UzNEX platformasyn iske qosqan bolatyn.
Al 2024 jyldyń qyrkúıeginde UzNEX alańynda Toncoin krıptovalıýtasynyń alǵashqy resmı saýdasy ótken edi.
Buǵan deıin Ózbekstanda alǵashqy lıtsenzııalanǵan krıptodúkender ashylǵany týraly habarlanǵan bolatyn.
