Ózbekstanda jyldyq ınflıatsııa sońǵy jeti jylda alǵash ret 9 paıyzdan tómen tústi

TAShKENT.QazAqparat – Ózbekstanda shilde aıynyń qorytyndysy boıynsha jyldyq ınflıatsııa 9 paıyzdan tómen tústi, bul - sońǵy jeti jyldaǵy eń tómengi kórsetkish, dep habarlaıdy QazAqparat tilshisi.

Ózbekstan statıstıka agenttiginiń málimetine sáıkes, 2023 jyldyń shilde aıynda eldegi deflıatsııa 0,16% deńgeıinde tirkelse, jyldyq kórsetkishtegi ınflıatsııa 8,9% deńgeıinde boldy.

Ótken aıda orta eseppen 0,9%-ǵa arzandaǵan azyq-túlik taýarlary maýsymdyq deflıatsııanyń negizgi faktory boldy, al azyq-túlik emes taýarlar 0,3%-ǵa, qyzmetter 0,5%-ǵa qymbattady.

«Kókónister, dándi daqyldar men jarma ónimderine, maılarǵa, sút jáne sút ónimderine jáne jumyrtqaǵa baǵanyń tómendeýi esebinen aǵymdaǵy jyldyń shilde aıynda qysqa merzimdi jıyntyq TBI (tutyný baǵalarynyń ındeksi) 0,46 paıyzdyq kórsetkishke tómendedi», - dep habarlaıdy statagenttik.

Vedomstvonyń málimetinshe, jyl basynan beri ınflıatsııa 3,3% tómendedi, jyldyq ınflıatsııa 8,9%-ǵa deıin tómendedi.

Bul – 2016 jyldyń tamyzynan bergi eń tómengi kórsetkish (8,6%).

Bir jyl ishinde azyq-túlik taýarlary ortasha alǵanda 10,7%-ǵa, azyq-túlikke jatpaıtyn taýarlar 7,3%-ǵa, qyzmetter 8,2%-ǵa qymbattady.