Ózbekstanda júrgizýshi kýáligimen áýe reısinde ushýǵa ruqsat etilmek
ASTANA. KAZINFORM – Ózbekstanda jańa júrgizýshi kýáligin paıdalana otyryp, ishki áýe reıske tirkelýge ruqsat etiledi.
Ózbekstandyq Uza.uz aqparat agenttiginiń málimetinshe, Uzbekistan Airports quzyryndaǵy áýejaılardyń qyzmeti respýblıkanyń kólik salasyna qatysty qujattarmen, onyń ishinde ózgertýler jáne tolyqtyrýlarmen rettelgen.
Mınıstrler Kabınetiniń 2017 jylǵy 19 maýsymdaǵy «Іshki ister organdary júıesinde memlekettik qyzmet kórsetý sapasyn odan ári arttyrý jáne rásimderdi ońaılatý jónindegi sharalar týraly» 389 sandy qaýlysyna sáıkes jańa ulttyq júrgizýshi kýáligi azamattyń jeke basyn rastaıtyn resmı memlekettik qujat mártebesine ıe.
«Osy málimetterge sáıkes, áýejaıda azamattyń jeke basyn kýálandyratyn qujat retinde tanylatyn jáne jolaýshylarǵa olardy paıdalana otyryp, ishki reısterge tirkelý quqyǵyn beretin qujattardyń (júrgizýshi kýáligi, týý týraly kýáligi, áskerı bılet jáne t.b.) túpkilikti tizbesi pysyqtalýda», - delingen Uzbekistan Airports habarynda.
