Ózbekstanda júrgizýshi fýtboldaǵy jeńilis úshin kóligimen adamdardy basyp ketpek boldy

TAShKENT. KAZINFORM — Ózbekstanda Samarqand oblysynyń Nurabad aýdanyndaǵy mektep stadıonynda Nexia júrgizýshisi kóligimen adamdardy basyp kete jazdady. Ol muny komandasynyń fýtbolda jeńilgeni úshin jasaǵanyn aıtty, dep habarlaıdy Gazeta.uz.

Júrgizýshi ustalyp, kóligi ýaqytsha aıyppul turaǵyna qoıylǵan. Júrgizýshige qatysty ákimshilik hattama toltyryldy.

— Men komandamyz fýtbolda jeńilgeni úshin osylaı istedim. Іs-áreketime qatty ókinemin, — deıdi ol.

Aıta keteıik, Ózbekstanda jedel járdem kóligimen otyn tasyǵan júrgizýshi qyzmetinen bosatylǵanyn jazdyq.

Sondaı-aq, kórshi elde mas kúıinde kólik tizgindegin 30 myńnan astam júrgizýshi jazalandy.