Ózbekstanda júrgizilgen halyq sanaǵynyń aldyn ala nátıjesi jarııalandy
TAShKENT. KAZINFORM — Ózbekstannyń Ulttyq statıstıka komıteti 37 jyldan keıin júrgizilgen halyq sanaǵynyń aldyn ala qorytyndysyn jarııalady, dep habarlaıdy Kazinform agenttiginiń Tashkenttegi menshikti tilshisi.
Vedomstvonyń málimetinshe, búginde el halqynyń sany 39 047 321 adam, bul 1989 jyly ótkizilgen sanaqtan eki ese kóp. Sanaq prezıdent Shavkat Mırzıeevtiń jarlyǵyna sáıkes júrgizildi jáne ol eldiń demografııalyq jáne áleýmettik-ekonomıkalyq málimetter bazasyn qurýǵa baǵyttaldy.
Komıtettiń dereginshe, el halqynyń 89,4 paıyzy — ózbekter, 3,3 paıyzy — tájikter, 2,2 paıyzy — qaraqalpaqtar, 1,8 paıyzy — qazaqtar, 1,6 paıyzy — orystar, 0,6 paıyzy — qyrǵyzdar jáne 0,5 paıyzy túrkimender. Turǵyndardyń 91,3%-y ana tili retinde ózbek tilin kórsetken.
Eske salaıyq, Ózbekstanda halyq sanaǵy 1989 jyldan beri júrgizilmegen. Pandemııaǵa baılanysty ol 2022 jyldan 2023 jyldyń qarashasyna aýystyryldy, keıin 2026-2027 jyldarǵa shegerildi.
Buǵan deıin habarlaǵanymyzdaı, halyq sanaǵynyń birinshi kezeńi 15-31 qańtar aralyǵynda júrgizildi. Al ekinshi kezeńi bıyl 4-28 aqpanda ótti. Bul protsess eki ádis arqyly júzege uıymdastyryldy: biri — derekterdi onlaın jınaqtaý, ekinshisi — úı aralaý.
