Ózbekstanda júkti áıelderdi jumystan shyǵarýǵa tyıym salyndy

TAShKENT. KAZINFORM – Ózbekstannyń Eńbek kodeksine birqatar ózgeris engizildi, dep habarlaıdy Kazinform agenttiginiń menshikti tilshisi. 

Kodekstiń jańa redaktsııasyna saı, endi jumys berýshiler júktilikke jáne bala týýǵa baılanysty áıelderdi jumystan shyǵara almaıdy. 

Aıta keteıik, qujattyń buǵan deıingi nusqasynda osyǵan uqsas jaǵdaılarǵa qatysty tek shekteýler bolatyn. ıAǵnı, jumys berýshige júkti áıelderdi múmkindiginshe qyzmetten bosatpaý jáne olardy basqa jumysqa aýystyrmaý usynylatyn. 

Sonymen qatar endi ózbekstandyqtarǵa eńbek shartyn elektrondyq formatta rásimdeý múmkindigi beriledi. Ol úshin «Biryńǵaı ulttyq eńbek júıesiniń» platformasy qoldanylady. 

Eske salaıyq, bıyl Ózbekstan úkimeti 5,2 mln adamǵa jumys usynyp, kedeılik sheginde ómir súrip jatqan 1,5 mln turǵynnyń jaǵdaıyn jaqsartýǵa baǵyttalǵan sharalardy qabyldamaq.

Buǵan deıin habarlaǵanymyzdaı, Ózbekstanda 500 áıeldi avtobýs júrgizýshisi mamandyǵyna oqytý josparlanyp otyr.