Ózbekstanda jol qozǵalysy erejesin buzatyndarǵa baldyq júıemen shara qoldanylmaq
ASTANA. UZA-QazAqparat – Ózbekstanda 1 jeltoqsannan bastap jol qozǵalysy erejelerin buzǵan júrgizýshilerge shara qoldaný baǵytynda aıyp-bal júıesi engiziledi, dep habarlaıdy QazAqparat UZA agenttigine silteme jasap.
Atalǵan júıe el Prezıdentiniń bıylǵy 4 sáýirde jarııalanǵan «Adam qaýipsizdigin senimdi qamtamasyz etý jáne avtomobıl joldaryndaǵy ólim-jitimdi kúrt qysqartý sharalary týraly» qaýlysyna sáıkes engizilgeli otyr.
Atap aıtqanda, 12 aı boıy jol qozǵalysy erejesin buzǵan saıyn júrgizýshige aıyp-bal beriledi. Máselen, mynadaı tásilmen: jyldamdyqty asyrsa – 1 ball, baǵdarshamnyń qyzyl túsine ótip ketse – 3 ball. Eger salynǵan aıyp-bal sany 12-den asyp ketse, júrgizýshi belgili bir ýaqytqa kólik quralyn júrgizý quqyǵynan aıyrylady.
Al, belgilengen merzimde jol qozǵalysy erejelerin buzbaǵan júrgizýshiler aıyp-baldaryn qysqartý arqyly kótermelenedi.
