Ózbekstanda jol-kólik apatynan 4 adam qaza tapty
TAShKENT. QazAqparat – Ózbekstannyń Angor aýdany arqyly ótetin tas jolynda kólik órtenip, 4 adam kóz jumdy, dep habarlaıdy QazAqparat Ózbekstan Respýblıkasy ІІM Jol qozǵalysy qaýipsizdigi bas basqarmasynyń resmı saıtyna silteme jasap.
«18 qazan kúni saǵat 23:00-de Angor aýdany arqyly ótetin «Samarqand-Termez» baǵytyndaǵy tas joldyń 1433 shaqyrymynda «Nexia 3» markaly kóligi joldan shyǵyp ketip, kanalǵa túsken. Saldarynan kólik órtenip, 1993 jyly týǵan júrgizýshi men onyń jubaıy, 3 jáne 4 jastaǵy eki balasy kóz jumdy», - dep málimdedi Ózbekstan Respýblıkasy ІІM Jol qozǵalysy qaýipsizdigi Bas basqarmasy.
Qazirgi ýaqytta quzyrly organdar oqıǵaǵa baılanysty Ózbekstan Respýblıkasy Qylmystyq Kodeksiniń 266-baby, 3-bóligi, «A» pýnkti boıynsha qylmystyq is qozǵap, mán-jaıdy anyqtap jatyr.
