Ózbekstanda jol erejesin jıi buzatyndar endi kólik basqarý quqyǵynan aıyrylady

TAShKENT. KAZINFORM — Ózbekstan prezıdenti Shavkat Mırzıeev jol erejelesin jıi buzatyn júrgizýshilerdiń áreketin baldyq júıemen baǵalaýǵa baǵyttalǵan zańǵa qol qoıdy, dep habarlaıdy Kazinform agenttiginiń menshikti tilshisi.

Ádilet mınıstrliginen málim etkendeı, ózgeriske saı, jol erejesin saqtamaǵan júrgizýshilerge negizgi jazamen qatar, aıyp baly qoldanylady. ıAǵnı, ınspektorlar zańǵa qaıshy ár áreketke 2 baldan aspaıtyn mólsherde baǵa beredi.

Tıisinshe, eger bir jyl ishinde olardyń kólemi 12-den assa, júrgizýshi 6 aıdan 3 jylǵa deıingi merzimge kólik basqarý quqyǵynan aıyrylady.

Jol erejesin buzǵandardyń baly bir jyl boıy saqtalady, eger osy aralyqta ol 12-den aspasa, onda esep joıylady.

Eske salaıyq, buǵan deıin Ózbekstanda avtobýs jolaǵyna túsken kólik júrgizýshilerine aıyppul salynýy múmkin ekenin jazyp edik.

Byltyr mas kúıinde kólik basqarǵan 31,3 myń ózbekstandyq ákimshilik jaýapqa tartyldy.

Qosa ketsek, taıaýda senator Marat Qojaev jol erejesin jıi buzatyn qazaqstandyqtarǵa aıyppul tóleýde 50% jeńildik usynbaý kerektigin aıtty.