Ózbekstanda jol erejesin buzǵan sheteldik dıplomattarǵa aıyppul salynady
TAShKENT. QazAqparat - Ózbekstanda akkredıtatsııadan ótken sheteldik dıplomatııalyq ókildikter men konsýldyq mekemelerdiń qyzmetkerleri tarapynan jol erejelerin buzý jaǵdaılarynyń jıilep ketýine baılanysty, birikken qaýly jobasy jasalýda, dep habarlaıdy «QazAqparat» HAA menshikti tilshisi.
ÓR SІM resmı saıtynda shetelderdiń dıplomatııalyq ókildikteri men konsýldyq mekemeleriniń, sondaı-aq olarǵa teńestirilgen uıymdardyń qyzmetkerlerine jol qozǵalysy erejelerin buzǵany úshin ákimshilik jaýapkershilik sharalaryn qoldaný salasyndaǵy sheteldik tájirıbelerdi úırený negizinde tıisti zańdylyq aktilerine ózgertýler men qosymshalar engizý týraly qaýly daıyndalýda. Jobany ÓR SІM, ІІM jáne Joǵarǵy sot bekitken.
Qoldanystaǵy qujatty elde avtomattanǵan beınebaqylaý júıesiniń engizilýine oraı tıisti normalarmen tolyqtyrý kózdelýde.
Budan tys, sot nemese basqa da ókiletti organ tarapynan quqyqbuzýshylyq jaǵdaıy úshin jazasyn qoldaný týraly sheshim shyǵarý tártibine de ózgertýler engizilýde. Sondaı-aq dıplomatııalyq korpýs ókilderine qolaılylyqtar týǵyzý úshin jol erejesin buzǵany úshin aıyppul tóleý formalaryn keńeıtý de josparlanýda.
