Ózbekstanda jol apatynan 9 adam qaza tapty
ASTANA. QazAqparat - Ózbekstandaǵy Gýzar - Buqara - Núkis - Beıneý A-380 halyqaralyq kólik magıstralinde bolǵan eki jol-kólik apaty saldarynan 9 adam qaza taýyp, taǵy beseýi jaraqat aldy, dep habarlady seısenbi kúni Ózbekstan Tótenshe jaǵdaılar mınıstrligi.
Mınıstrliktiń málimetterinshe, 22 qazan kúni A-380 kólik magıstraliniń eki ýchaskesinde - Qaraqalpaqstan avtonomdyq respýblıkasy men Jızaq oblysynda kúndiz adam ólimine soqtyrǵan eki jol apaty boldy.
Saǵat 08:05-te (jergilikti ýaqytpen saǵat 6:05) Qaraqalpaqstannyń Berýnıı aýdanynyń aýmaǵynda Daewoo Nexia men Chevrolet Cobalt jeńil kólikteri soqtyǵysqan.
«Jol-kólik apaty saldarynan bes azamat qaza taýyp, taǵy beseýi dene jaraqattaryn aldy», - delingen TJM-niń Telegram-arnasynyń habarlamasynda. Zardap shekkender jergilikti aýrýhanaǵa jetkizildi.
Sol kúni jergilikti ýaqytpen saǵat 10:00-de A-380 kúre jolynyń 333-shi shaqyrymynda, Jızaq oblysynyń Jondor aýdanynda Chevrolet Lacetti jeńil kóligi men Isuzu júk kóligi soqtyǵysqan. Saldarynan jeńil kólik órtenip ketken.
«Jol apatynan 4 adam ajal qushty», - dep habarlaıdy mınıstrlikten.
Qazirgi kezde jol-kólik apattarynyń sebepteri boıynsha tergeý amaldary júrgizilýde, dep qosyp ótti TJM-nen.
