Ózbekstanda jynystyq sıpattaǵy qylmystar úshin 666 adam jaýapqa tartyldy

TAShKENT. KAZINFORM – Byltyr Ózbekstanda jynystyq qol suǵý qylmystaryna qatysy bar 666 adamǵa túrli jaza kesildi, dep habarlaıdy Kazinform agenttiginiń Tashkenttegi menshikti tilshisi Álıhan Asqar.

Ózbekstan Joǵarǵy sotynyń baspasóz qyzmetinen atap ótkendeı, 2023 jyly ÁQBtK-niń 41-1-baby (jynystyq sıpattaǵy qylmystar) boıynsha 666 adam ákimshilik jaýapqa tartyldy.

Onyń ishinde 233 adamǵa aıyppul salynsa, 433 azamat ákimshilik qamaýǵa alynǵan.

«Ózbıýkstan Qylmystyq kodeksiniń 141-3 baby boıynsha (jeke adamnyń ar-namysy men qadir-qasıetine nuqsan keltirý jáne ıntımdik málimetterdi jarııa etý) 48 adam sottaldy. Onyń jeteýine — bas bostandyǵynan aıyrý, al 41-ine — bas bostandyǵynan aıyrýmen baılanysty emes jaza belgilendi», — dep málim etti Joǵarǵy sottyń baspasóz qyzmetinen.

Qosa ketsek, QR-daǵy Adam quqyqtary jónindegi ýákil Artýr Lastaevtyń málimetinshe, álemdegi 736 mln áıeldiń úshten biri jynystyq zorlyq-zombylyqqa ushyraıdy.