Ózbekstanda jer silkindi

ASTANA. KAZINFORM — 8 tamyzda jergilikti ýaqyt boıynsha saǵat 08:58–de (Grınvıch boıynsha 03:58–de) Ózbekstan aýmaǵynda jer silkinisi tirkeldi, dep habarlaıdy Ózbekstan TJM Respýblıkalyq seısmoboljaý monıtorıngi ortalyǵy.

Jer silkinisiniń koordınattary: soltústik endik boıynsha 40,55 gradýs; shyǵys boılyq boıynsha 72,26 gradýs.

Magnıtýdasy — M=4,2. Tereńdigi — 15 shaqyrym.

Jerasty dúmpýiniń epıtsentri Tashkentten 268 shaqyrym ońtústik-shyǵysta, Andıdjan oblysynyń Marhamat aýdanynda ornalasqan.

Silkinis birqatar óńirlerde sezildi:

• Andıdjan oblysynda — 3 ball, epıtsentrden 29 km qashyqtyqta

• Ferǵana oblysynda — 2–3 ball, epıtsentrden 45 km qashyqtyqta

• Namangan oblysynda — 2 ball, epıtsentrden 72 km qashyqtyqta

Zardap shekkender men qıraǵan nysandar týraly aqparat ázirge habarlanǵan joq.

Budan buryn Qyrǵyzstandaǵy jer silkinisi Qazaqstannyń úsh aýmaǵynda sezilgenin jazǵanbyz.