Ózbekstanda jer silkinisi týraly habarlaıtyn mobıldik qosymsha jasaldy

TAShKENT. QazAqparat – Ózbekstanda 2023 jyldyń 1 jeltoqsanynan qýatty jer silkinisi týraly aldyn ala eskertý ulttyq júıesi kezeń-kezeńimen iske qosylady, dep habarlaıdy QazAqparat menshikti tilshisi Ózbekstan ádilet mınıstrliginiń baspasóz qyzmetine silteme jasap.

Respýblıka prezıdenti 16 mamyrda «Ózbekstan Respýblıkasy halqynyń jáne aýmaǵynyń seısmıkalyq qaýipsizdigin qamtamasyz etý júıesin odan ári jetildirý jónindegi qosymsha sharalar týraly» tıisti qaýlyny qabyldady.

Júıe sheńberinde Ózbekstan men kórshi elder aýmaǵyndaǵy seısmıkalyq belsendiliktiń onlaın-monıtorıngi júıesimen baılanysty «Qýatty jer silkinisi týraly eskertýler» mobıldik qosymshasyn iske qosý josparlanǵan.

Mobıldik qosymsha 5 baldyq jer silkinisi tirkelgennen keıingi birneshe sekýndta qoldanýshylarǵa habarlama jiberýi kerek.