Ózbekstanda jedel járdem kóligimen otyn tasyǵan júrgizýshi qyzmetinen bosatyldy
TAShKENT. KAZINFORM - Osy jaǵdaıǵa baılanysty Ózbekstan Respýblıkasy Shuǵyl medıtsınalyq kómek ortalyǵynyń baspasóz qyzmeti resmı málimdeme jasady.

Bul oqıǵanyń 2025 jyldyń 13 naýryzynda Qoqan qalasyndaǵy № 10 otbasylyq emhanaǵa qarasty jedel járdem kóliginde bolǵany habarlandy. Júrgizýshi Ǵ.A. kólikke aǵash kóshetterin tıep, jolǵa shyqqany anyqtaldy.
Tekseris nátıjesinde júrgizýshi Ǵ.A.-men jasalǵan eńbek sharty buzyldy.
Sonymen qatar kólik quraldaryn tıimdi paıdalaný sharalary boıynsha júrgizýshilermen túsindirý jumystaryn júrgizbegeni úshin emhananyń bas dárigeri F.M.-ǵa eskertý túrindegi tártiptik jaza taǵaıyndaldy.
Eske sala keteıik, Ózbekstan prezıdenti jemqorlyqpen kúreske jaýapty 117 sheneýnikti qyzmetinen bosatýdy tapsyrdy.
Sondaı-aq byltyr Ózbekstanda jol apatynan 2 myńnan astam adam qaza tapty.