Ózbekstanda jasy 12-den asqan balalarǵa vaktsına salýǵa ruqsat etildi
Vedomstvonyń habarlaýy boıynsha, Bas memlekettik sanıtarlyq dáriger men Ulttyq tehnıkalyq ımmýnologııalyq saraptama kelisimine sáıkes, ata-analary nemese qaraýshylary ruqsat etken jaǵdaıda jasy 12-den asqan balalar Pfizer vaktsınasyn erikti túrde saldyrta alady.
«12-15 jas aralyndaǵy balalarǵa ótkizilgen Pfizer vaktsınasynyń klınıkalyq synamalary jaqsy nátıje kórsetti. Osyndaı keńesti Dúnıejúzilik densaýlyq saqtaý uıymy da berip otyr», - delingen Densaýlyq saqtaý mınıstrliginiń habarlamasynda.
Vedomstvonyń habarlaýynsha, qyrkúıektiń ortasynda elge Pfizer vaktsınasynyń 1,2 mıllıon dozasy jetkizildi. Bul preparat Ózbekstanda paıdalanýǵa ruqsat etilgen besinshi vaktsına bolyp otyr.
Eske sala keteıik, Ózbekstanda vaktsına salý naýqany 1 sáýirden bastaý aldy. Vaktsınalaý AstraZeneca, ZF-UZ-VAC2001, «Spýtnık-V», Moderna jáne Pfizer preparattarymen júzege asyrylady. Búgingi kúni respýblıkada 4 mıllıon adam tolyǵymen vaktsına alǵan.
