Ózbekstanda «jasyl» energııanyń úlesi 23 paıyzǵa jetti
ASTANA. KAZINFORM — Energetıka mınıstrligi baspasóz qyzmetiniń habarlaýynsha, 22 qazan kúni saǵat 19:00–degi jaǵdaı boıynsha Ózbekstanda kún jáne jel elektr stantsııalarynda óndirilgen elektr energııasy 2025 jyly 9 mlrd kVt/saǵ-ǵa jetken.
Elde jalpy qýattylyǵy 4682 megavatt bolatyn 12 kún fotoelektr stantsııasy jáne 5 jel elektr stantsııasy jumys isteıdi.
«Jasyl» energetıkalyq esepteýler boıynsha 2 mıllıard 730 mıllıon tekshe metr tabıǵı gaz únemdelip, 4 mıllıon tonna zııandy zattardyń atmosferaǵa taralýyna tosqaýyl qoıyldy.
Bıylǵy jyldyń basynan 22 qazandaǵy saǵat 19:00–ge deıin barlyq sý, kún jáne jel elektr stantsııasy 14 mıllıard 520 mıllıon kVt/saǵ elektr energııasyn óndirdi. Bul «jasyl» energııanyń jalpy generatsııasynyń 23 paıyzyna sáıkes keledi.
Bul 7,5 mıllıon úı sharýashylyǵynyń 10 aılyq nemese 6 mıllıon úı sharýashylyǵynyń bir jyldyq elektr energııasyna qajettiligine teń.
Aqparatqa sáıkes, 23 qyrkúıek kúni saǵat 14:00–de kún jáne jel elektr stantsııalary óndirgen elektr energııasy 8 mlrd kVt/saǵ bolǵan edi.
Eske sala keteıik, Ózbekstanda salynatyn AES eldiń úsh óńirin elektr qýatymen qamtamasyz etedi.