Ózbekstanda «jasyl» energııa óndirisiniń kólemi artty
TAShKENT. KAZINFORM — Jyl basynan beri Ózbekstanda kún jáne jel elektr stantsııalary óndirgen elektr qýatynyń kólemi 6 mlrd kVt/saǵatqa jetti, dep habarlaıdy Kazinform agenttiginiń menshikti tilshisi.
Energetıka mınıstrliginiń málimetinshe, 3,8 mlrd kVt/saǵ — kún, al 2,2 mlrd kVt/saǵ elektr qýaty jel elektr stantsııalarynda óndirilgen.
2025 jyldyń sáıkes kezeńimen salystyrǵanda, kún jáne jel elektr stantsııalarynda óndirilgen elektr energııasynyń kólemi 24,3%-ǵa ósti. Osynyń nátıjesinde jyl basynan beri 1,6 mlrd tekshe metr tabıǵı gaz únemdeldi.
Eske salaıyq, Qazaqstan, Ózbekstan jáne Ázerbaıjan 2030 jyly Eýropaǵa «jasyl» energııa eksporttaıdy.
Buǵan deıin habarlaǵanymyzdaı, bıyl Ózbekstan sý elektr stantsııalarynyń óndiris qýatyn 15%-ǵa arttyrady.
