Ózbekstanda jańa mereke – «Halyqtar dostyǵy kúni» belgilendi
TAShKENT. ÓzA-QazAqparat - 30 shilde Ózbekstanda «Halyqtar dostyǵy kúni» merekesi retinde toılanbaq, dep habarlaıdy QazAqparat ÓzA agenttigine silteme jasap.
Ataýly jańa merekelik kún Memleket basshysynyń qaýlysymen resmı túrde qabyldanyp, el aýmaǵynda keńinen toılanatyn boldy.
«Halyqtar dostyǵy kúnin» mereke retinde atap ótýdiń basty maqsaty - yntymaqtastyqty, toleranttylyqty, ultaralyq kelisimdi nyǵaıtý jáne adamdar, memleketter men jalpy qoǵamnyń ártúrli qurylymdary arasyndaǵy dostyq qatynastardy odan ári damytý.
29 jeltoqsanda Ózbekstan Prezıdenti Shavkat Mırzııaev «Olıı Majlıske» kezekti Joldaýynda, Birikken Ulttar Uıymy Bas Assambleıasynyń sheshimine sáıkes 30 shildeni Halyqaralyq dostyq kúni retinde keńinen atap ótý jaıly aıtyp, bul datany Ózbekstanda «Halyqtar dostyǵy kúni» retinde belgileýdi usynǵan bolatyn.
