Ózbekstanda jańa «aqyldy» qala salynady
TAShKENT. QazAqparat - Tashkent oblystyq prokýratýrasynyń saıtynda óńirdiń jańa ákimshilik ortalyǵy - Nýrafshon qalasynyń jobasy jarııalandy, dep habarlady «QazAqparat» HAA-nyń menshikti tilshisi.
Nýrafshon Ózbekstandaǵy alǵashqy «aqyldy» qala bolmaq. Onda ákimshilik ǵımarattar, zamanaýı ári jaıly turǵyn úıler, bıznes ortalyq, qonaqúıler, sport kesheni, jastar shyǵarmashylyǵy ortalyǵy, kitaphanalar, mektepter, kópbeıindi aýrýhana boı kóteredi. Sondaı-aq, baqtar, saıabaqtar, alańdar, jaıaý júrginshiler men velosıpedke arnalǵan alleıalar da salý kózdelgen, tıimdi qoǵamdyq kólik júıesin engizý josparlanýda.
Qalanyń ortalyǵynan ótetin jasandy arna qazylady, onyń jaǵasynda jaǵalaýlar salynyp, tamaqtaný oryndary, dúkender, taǵy da basqa nysandar ashylady. Nýrafshondy Ózbekstannyń astanasymen joǵary jyldamdyqpen júrýge arnalǵan avtojol baılanystyratyn bolady.
Eske sala keteıik, buǵan deıin Tashkent oblysynyń ákimshilik ortalyǵy bolmaǵan-tyn. 25 tamyzda ótken Ózbekstan Respýblıkasy Olıı Majlısi Senatynyń 11-jalpy otyrysynda Tashkent oblysynyń Toıtóbe qalasynyń atyn Nýrafshon dep ózgertý týraly qaýly qabyldady. Sodan bir kún buryn senatorlar qalany oblysqa baǵynatyn qalalar sanatyna engizý jáne Tashkent oblysynyń ákimshilik ortalyǵy dep belgileý týraly sheshimdi maquldaǵan edi.
