Ózbekstanda jalaqy ósimi Ortalyq Azııa men Kavkaz elderinen artta qaldy

TAShKENT. KAZINFORM — Ózbekstanda sońǵy toqsandardaǵy naqty jalaqy ósimi aımaqtaǵy kórshi eldermen salystyrǵanda tómen boldy, dep jazylǵan Ortalyq banktiń esebinde.

Atap aıtqanda, bıylǵy jyldyń qańtar-naýryz aılarynda Ortalyq Azııa elderinde naqty jalaqynyń ortasha ósimi 9,8 paıyzdy, al keıbir Kavkaz elderinde 9,1 paıyzdy qurasa, Ózbekstanda bul kórsetkish nebári 7,2 paıyzdy quraǵan.

— Eger salystyrylǵan elderden artta qalý jaqyn arada saqtalatyn bolsa, bul Ózbekstannyń eńbek naryǵyna qatysýshylardyń satyp alý qabiletiniń tómendeýine jáne otandyq taýarlar men qyzmetterge suranystyń álsireýine ákeledi, - dep jazylǵan bank esebinde.

Eń tómengi jalaqy

2025 jyldyń birinshi toqsanynda Ózbekstandaǵy eń tómengi jalaqy 91 dollardy qurady.

Salystyrý úshin:

* Belarýs – $243;

* Ázerbaıjan – $235;

* Mońǵolııa – $222.

Osylaısha Ózbekstan eń tómengi jalaqy kórsetkishi bar elderdiń qatarynan oryn aldy.

Eń tómengi jalaqynyń JІÓ-ge qatynasy

Ózbekstanda jan basyna shaqqandaǵy JІÓ úlesimen eseptelgen eń tómengi jyldyq jalaqy 35 paıyzdy qurady. Bul kórsetkish te aımaqtaǵy basqa eldermen salystyrǵanda eń tómen kórsetkishterdiń biri bolyp tabylady.

Salystyrý úshin:

* Qazaqstan – 14%;

* Qyrǵyzstan – 14%;

* Grýzııa – 12%.

Aımaqtyń basqa elderindegi kórsetkishter bir-birine jaqyn jáne salystyrmaly túrde joǵary.

Eske sala keteıik, Starlink Ózbekstanda 2026 jyly iske qosylýy múmkin.