Ózbekstanda jabaıy janýar asyraıtyndarǵa qatysty jaza engizildi

TAShKENT. KAZINFORM – Ózbekstan prezıdenti Shavkat Mırzıeev tıisti zańǵa qol qoıdy, dep habarlaıdy Kazinform agenttiginiń menshikti tilshisi.

Sonymen, Ózbekstannyń Ákimshilik jaýapkershilik týraly kodeksi jańa bappen tolyqty. Ózgeriske saı, jeke tulǵalardyń jabaıy janýardy óziniń tirshilik etý ortasynan tys jerde qamap ustaýyna nemese asyraýyna jol berilmeıdi. Bul talapty elemegender 5-10 bazalyq eseptik shama (90 dollardan 290 dollarǵa deıin) kóleminde aıyppul arqalaıdy.

Eger zańsyz ustap otyrǵan jabaıy janýar ózgeniń densaýlyǵyna nemese múlkine zııan keltirse, onda aıyppul mólsheri 50 bazalyq eseptik shamaǵa (1440 dollarǵa) deıin artady.

Sonymen qatar, qańǵybas janýarlardy aýlaý mindetin oryndamaǵan jaýapty sheneýlikterge de jaza qoldanylady. Jumysyna nemquraıly qarap, saldarynan adam densaýlyǵyna nemese múlkine zalal kelse, onda laýazymdy tulǵalarǵa 30 bazalyq eseptik shama (870 dollar) kóleminde aıyppul salynady.

Aıta keteıik, taıaýda Ózbekstanda haıýanattar baǵyndaǵy tordan shyǵyp ketken 3 arystan kúzetshini talap óltirdi.

Buǵan deıin habarlǵanymyzdaı, bıyldan bastap Ózbekstandaǵy tsırkterde jabaıy janýarlardy paıdalanýǵa tyıym salynady.