Ózbekstanda zańsyz dinı bilim beretin mektep ashqan azamat ustaldy

TAShKENT. KAZINFORM — Ózbekstannyń Samarqand oblysyna qarasty Úrgit aýdanynda balalarǵa zańsyz dinı bilim berýmen aınalysqan mektep anyqtaldy, dep habarlaıdy Kazinform agenttiginiń menshikti tilshisi.

Memlekettik qaýipsizdik qyzmetiniń málimetinshe, 35 jastaǵy Ferǵana oblysynyń turǵyny Úrgit aýdanyndaǵy jeke úılerdiń birin jalǵa alyp, onda 7 balaǵa dinı dáris bergen. Uıymdastyrýshynyń tıisti dinı bilimi men jaýapty organdar tarapynan beriletin ruqsat qujattary bolmaǵan.

Sáıkesinshe, er adamnyń ústinen «Dinı bilim berý tártibin buzý baby boıynsha qylmystyq is qozǵaldy. Ol qamaýǵa alyndy, qazirgi ýaqytta tergeý júrip jatyr.

Eske salaıyq, buǵan deıin Tashkent oblysynda 15 balaǵa zańsyz dinı bilim berýmen aınalysqan ózbekstandyqtar ustalǵan edi.

Qosa ketsek, Ózbekstanda endi sheteldegi qarýly qaqtyǵystardy jarnamalaǵandar jaýapqa tartylady.