Ózbekstanda ıÝNESKO-nyń Bas konferentsııasy ótedi

TAShKENT. KAZINFORM – Qazan aıynyń sońynda Ózbekstannyń Samarqand qalasynda ıÝNESKO Bas konferentsııasynyń 43-shi sessııasy ótedi, dep habarlaıdy Kazinform agenttiginiń menshikti tilshisi.

Atalǵan aýqymdy is-sharaǵa baılanysty 30 qazan men 14 qarasha aralyǵynda shaharǵa kiretin joldar jabylady. Іshki ister mınıstrliginiń málimetinshe, tranzıttik kólikterge qalany aınalyp ótetin marshrýttar uıymdastyrylady.

ıÝNESKO-nyń Bas konferentsııasyna 5 myńnan astam adam qatysady. Atap aıtqanda, 193 memlekettiń úkimet basshylary, mınıstrleri men ǵalymdary Samarqandqa jınalady. Olar mádenı murany saqtaý, jasandy ıntellekt etıkasy, turaqty damý, klımattyq ózgeris jáne áıelderdiń ǵylymdaǵy róli máselelerin talqylaıdy.

Eske salaıyq, bul is-sharany Samarqandta uıymdastyrý sheshimi 2023 jyly Parıjde qabyldanǵan bolatyn. 40 jyldan astam ýaqyt ishinde alǵash ret ıÝNESKO Bas konferentsııasynyń sessııasy Frantsııadan tys jerde ótpek.

Buǵan deıin habarlaǵanymyzdaı, osydan eki jyl buryn Ózbekstannyń úsh mádenı murasy ıÝNESKO tizimine engizildi. Sondaı-aq, taıaýda Ózbekstan kandıdatýrasyn resmı túrde ıÝNESKO Atqarýshy keńesiniń músheligine usyndy.