Ózbekstanda veıpke tyıym salyndy

TAShKENT. KAZINFORM — Ózbekstan prezıdenti Shavkat Mırzıeev veıp, oǵan arnalǵan hosh ıistendirgish pen suıyqtyq ákelýge, satýǵa jáne taratýǵa tyıym salatyn zańǵa qol qoıdy, dep habarlaıdy Kazinform agenttiginiń menshikti tilshisi. 

Ádilet mınıstrliginiń málimetinshe, atalǵan zańnyń talabyn buzǵandar ákimshilik nemese qylmystyq jaýapqa tartylady. Máselen, elektrondy temekiniń iri óndirisi, eksporty jáne ımportymen aınalysqandarǵa 500 bazalyq eseptik shamaǵa deıin (8,9 mln teńge) aıyppul salynyp, 5 jylǵa deıin bas bostandyǵynan aıyrý jazasy taǵaıyndalýy yqtımal. Sondaı-aq, quqyq buzýshy úsh jylǵa deıin túzetý jumystaryna tartylýy múmkin.

Zańda jazylǵandaı, eger azamat óz erkimen quqyq qorǵaý organdaryna baryp, kinásin tolyq moıyndap, tyıym salynǵan ónimdi tapsyrsa, onda oǵan jaza qoldanylmaıdy.

Eske salaıyq, 2024 jyldyń 20 maýsymynan bastap Qazaqstanda veıpke tyıym salyndy. Bul rette bıyl quramynda nıkotıni bar veıp suıyqtaryn satqan elorda turǵyny sottaldy.