Ózbekstanda valıýta aıyrbastaýǵa shekteý alynyp tastaldy
ASTANA. QazAqparat - Ózbekstan prezıdenti Shavkat Mırzııaev 2 qyrkúıekte «Valıýta saıasatyn lıberaldandyrýdyń tyǵyz sharalary týraly» týraly jarlyqqa qol qoıdy, dep habarlaıdy podrobno.uz .
Qujatqa sáıkes, eldegi zańdy jáne jeke tulǵalar sheteldik valıýtany erkin aıyrbastaýyna bolady.
5 qyrkúıekten bastap Ózbekstandaǵy zańdy tulǵalar aǵymdaǵy halyqaralyq operatsııalar (taýarlar men qyzmetter ımporty, tabystardy qaıtarý, nesıelerdi óteý, issapar shyǵyndaryn tóleý, t.b.) boıynsha tólemderdi júzege asyrý úshin sheteldik valıýtany kommertsııalyq bankterden eshqandaı shekteýsiz alady.
Al jeke tulǵalarǵa aqsha aıyrbastaý oryndarynda, kommertsııalyq bank bólimshelerinde qoldanystaǵy tártip boıynsha sheteldik valıýtany satýyna, satyp alýyna ruqsat etildi. Budan tys turǵyndar satyp alǵan valıýtasyn halyqaralyq tólem kartalaryna ótkizip, shetelde júrgende eshqandaı kedergisiz paıdalanýyna múmkindik jasaldy
Zańdy tulǵa retinde tirkelmegen, biraq tutyný taýarlaryn ımporttaýmen aınalysatyn jeke kásipkerlerge sheteldik valıýtalardy aıyrbastaýdyń zańdy tulǵalar úshin shyǵarylǵan tártipte almastyrýyna ruqsat beriledi.
Eksporttaýshylardyń sheteldik valıýtasynda valıýta túsimin mindetti satýdy talap etýge, menshik túrinen tys, jol berilmeıdi.
Sheteldik valıýtasy bar zańdy tulǵa retinde tirkelmegen jeke kásipkerler jáne fermerlik sharýashylyqtar óz bank esep-shottarynan sheteldik valıýtany naqtylaı alýyna bolady.
