Ózbekstanda vaktsına salatyn qosymsha pýnkteri ashyldy

TAShKENT. QazAqparat – Ózbekstannyń Tashkent qalasynyń saýda-oıyn-saýyq ortalyqtary, bazarlar, sýpermarketter men basqa da qoǵamdyq oryndarynda vaktsına salýdyń qosymsha pýnkteri ashyldy, dep habarlaıdy QazAqparat.

«Koronavırýsty juqtyrý kórsetkishiniń ósimine baılanysty Tashkent qalasynda 18 jastan asqan turǵyndardyń erik bildirgen barlyq toptaryn memleket qarajaty esebinen vaktsınalaý bastalýda», - dedi Ózbekstannyń Densaýlyq saqtaý mınıstrliginen.

Vedomstvonyń málimetinshe, turǵyndardy vaktsınalaý úshin qalanyń saýda-oıyn-saýyq ortalyqtary, iri bazarlar, mektepter, mahaldari men ózge nysandarynda koronavırýsqa qarsy vaktsına salýdyń qosymsha 44 pýnkti ashylǵan. Ekpe tegin salynady.

Vaktsına salynǵan soń, azamattardyń qolyna preparattyń ataýy, sondaı-aq kelesi ekpeni alatyn kún belgilengen jadynama beriledi.

Eske sala ketsek, Ózbekstanda epıdemıologııalyq jaǵdaıdyń ýshyǵýyna baılanysty 28 maýsymnan bastap karantın sharalary kúsheıtildi. Ózbekstan astanasy ekiaptalyq karantınge jabylǵan.