Ózbekstanda vaktsına qaterinen saqtandyrý júıesi engizilip jatyr

TAShKENT. QazAqparat – Ózbekstanda vaktsına qaýpinen saqtandyrý júıesi engizilip jatyr. Bul týraly Ózbekstan respýblıkasy Aqparat jáne kommýnıkatsııalar agenttiginde ótken brıfıngide «Ózagrosýgýrta» AQ aqparattyq qyzmetiniń basshysy Shýhrat Kobılov málim etti, dep habarlaıdy QazAqparat.

Ol «UZINSURANCE» saqtandyrý kompanııasy – Ózbekstanda vaktsına alǵan adamnyń eńbek qabiletinen aıyrylý nemese ólimnen saqtandyrýdy engizip jatqan alǵashqy kompanııalardyń biri ekenin atap ótti.

«Saqtandyrý polısiniń quny 5 jáne 10 myń sým, al saqtandyrý jaýapkershiligi – 25 mln jáne 50 mln myń sým (1-2 mln teńge). Saqtandyrý kelisimshartyn rásimdeý úshin jeke kýálandyrý qujaty men vaktsınalaý protsesine qatysty aqparat qajet», - dep málimdedi spıker.

Eske sala ketsek, Ózbekstanda vaktsınalaý naýqany 1 sáýirde bastalǵan. 4 vaktsına egilip jatyr. Eýropalyq AstraZeneca vaktsınasy, qytaı-ózbek ZF-UZ-VAC2001 vaktsınasy, reseılik «Spýtnık-V» jáne 1 tamyzdan bastap amerıkandyq Moderna. Búginde elde vaktsınanyń 12 mıllıonnan astam dozasy qoldanylǵan.

Epıdemıologııalyq jaǵdaıdyń kúrdelenýi baılanysty Ózbekstanda 3 tamyzdan bastap jumys isteıtin turǵyndardyń mindetti túrde vaktsına alýynyń quqyqtyq negizin bekitken zań qabyldandy.

Avtory Mádıbek Jánibekov