Ózbekstanda vaktsına alýǵa basymdyq beriletin turǵyndardyń tizimi keńeıtildi

TAShKENT. QazAqparat – Vaktsına alýǵa basymdyq beriletinderdiń qataryna 50 jastan asqan ózbekstandyqtar kiredi. Bul sheshimdi jaqynda koronavırýsqa qarsy is-qımyl jónindegi arnaıy respýblıkalyq komıssııa qabyldady, dep habarlaıdy QazAqparat tilshisi.

«50 jastan asqan adamdardy, joǵary oqý oryndarynyń oqytýshylary men professorlaryn (buryn 65 jastan asqan adamdarǵa vaktsına alǵan) tegin vaktsınalaýdy keńeıtý týraly sheshim qabyldandy», – delingen habarlamada.

Vedomstvonyń málimetinshe, birinshi kezeńde koronavırýsqa qarsy jappaı vaktsınatsııa 65 jastan asqan adamdar, medıtsına qyzmetkerleri, mektep muǵalimderi, mektepke deıingi bilim berý uıymdarynyń qyzmetkerleri jáne sozylmaly aýrýlary bar adamdar arasynda júrgizildi. 31 mamyrdan bastap atalǵan tizim stýdenttermen (shetelde bilim alýshylarmen), BAQ ókilderimen (jýrnalıster men blogerler), jazýshylarmen jáne teleradıokompanııalardyń qyzmetkerlerimen tolyqtyryldy.

Esterińizge sala keteıik, Ózbekstanda egý naýqany 1 sáýirde bastaldy. Vaktsına úsh preparatpen júzege asyrylady: AstraZeneca eýropalyq vaktsınasy, qytaı-ózbek ZF-UZ-VAC2001 jáne reseılik «Spýtnık-V». Vaktsınalaý bastalǵannan beri Ózbekstanda COVID-2,5 vaktsınasynyń 19 mıllıonnan astam dozasy alyndy.