Ózbekstanda vaktsına alǵandarǵa anyqtama berý servısi iske qosyldy

TAShKENT. QazAqparat – COVID-19-ǵa qarsy vaktsına alǵan Ózbekstan turǵyndary endi Memlekettik qyzmetterdiń biryńǵaı portalynan anyqtama ala otyryp, óz mártebesin rastaı alady, dep habarlaıdy QazAqparat menshikti tilshisi.

Vaktsına salǵany týraly anyqtama alýǵa qatymty tıisti qyzmet my.gov.uz saıtynda iske qosyldy. Qyzmetti paıdalaný úshin Memlekettik qyzmetterdiń ınteraktıvti biryńǵaı portalyna tirkelý jetkilikti.

Tirkelgennen keıin «COVID-19-ǵa qarsy vaktsınalaý mártebesin tekserý» degen memlekettik qyzmetke ótip, «Tekserý» batyrmasyn basý qajet.

Eske sala keteıik, Ózbekstanda koronavırýsqa qarsy jappaı vaktsınalaý 1 sáýirde bastaldy. Eki apta ishinde 300 myńnan astam adamǵa ekpe salynǵan. Halyqty vaktsınalaý sáýirde iri qalalarda, mamyrda aýdan ortalyqtary men shaǵyn qalalarda, maýsym aıynda aýyldyq jerlerde júredi.

Avtory Mádıbek Jánibekov