Ózbekstanda Qazaqstan erler quramasy ústel tennısinen shırek fınalǵa joldama aldy
ASTANA. KAZINFORM - Ózbekstannyń Tashkent qalasynda ótip jatqan ústel tennısinen Azııa chempıonatynda Qazaqstan erler quramasy shırek fınalǵa joldama aldy, dep habarlaıdy Ulttyq olımpıada komıteti.
Týrnırdiń úzdik segiz komandasynyń qataryna qosylý úshin ótken pleı-off kezeńindegi sheshýshi kezdesýde qazaqstandyq sportshylar Irak quramasyn 3:0 esebimen aıqyn basymdyqpen jeńdi.
Osylaısha, ulttyq qurama qurlyq birinshiligindegi jarysty jalǵastyrady. Shırek fınalda Qazaqstan Japonııa quramasymen kezdesedi.
Aıta keteıik, buǵan deıin toptyq kezeńde qazaqstandyqtar Fılıppındi (3:0) jáne Shrı-Lankany (3:1) utqan. Al pleı-off kezeńinde Malaızııa quramasynan 3:0 esebimen basym tústi.
Qazaqstan quramasy sapynda Kırıll Gerasımenko, Alan Qurmanǵalıev, Sanjar Jubanov, Aıdos Kenjiǵulov jáne Eskendir Harkı óner kórsetýde.
Osyǵan deıin habarlaǵanymyzdaı, Býblık pen Nurlanuly alǵash ret birge óner kórsetti.
