Ózbekstanda ustalǵan kámeletke tolmaǵandardyń ata-analary balalarymen kezdesti

Bul týraly QazAqparat tilshisine Qazaqstan elshiliginiń konsýly Babyr Dáýrenbek habarlady.

"Ata-analar ıAngııýl qalasyndaǵy kámeletke tolmaǵandarǵa arnalǵan arnaıy mekemede bolyp, balalarymen sóılesti, olardyń jaǵdaılaryn óz kózderimen kóre aldy jáne olarǵa kıim-keshek, azyq-túlik jáne jeke tazalyq buıymdaryn tabys etti. Balalardyń jalpy jaǵdaıy qanaǵattanarlyq, olarǵa úsh ret tamaq beriledi, medıtsınalyq baqylaý, demalys ýaqyttary uıymdastyrylǵan", - dep habarlady dıplomat.

B.Dáýrenbektiń aıtýynsha, ata-analar arnaıy mekemeniń basshylyǵymen de jeke sóılesip, balalarynyń turyp jatqan jerleriniń jaǵdaıy týraly saýaldar qoıdy. Al balalarymen kezdeskennen keıin, ata-analardyń júrekteri oryndaryna tústi. «30 shilde kúni balalardy Qazaqstanǵa jóneltý josparlanyp otyr. Qazir tıisti qujattar resimdelýde», - deıdi konsýl.

Bul másele Qazaqstannyń Ózbekstandaǵy elshiliginiń baqylaýynda jáne qazaqstandyq dıplomatııalyq ókildik bul máseleni oń sheshý úshin qoldan kelgenniń bárin jasap jatyr.

Ońtústik Qazaqstannyń taýlarynda 12 týrıstiń joǵalyp ketkeni, olardyń tórteýi - eresek, qalǵan segizi kámeletke tolmaǵandar ekeni buǵan deıin habarlanǵan bolatyn. Shymkentten shyqqan top Saıram shyńyna kóterilmek bolǵan, alaıda Qazaqstan azamattary 14 shilde kúni Ózbekstan aýmaǵynda ustalǵan. Qazir eresek tórteý Tashkent oblysynyń Qybyraı qalasyndaǵy Ońaltý ortalyǵynda otyr. Al kámeletke tolmaǵandar osy oblystyń ıAngııýl qalasyndaǵy kámeletke tolmaǵandarǵa arnalǵan arnaıy mekemede.

8 jasóspirimdi 30 shildede elge qaıtarý josparlanýda, al eresekter tergeý amaldarynyń aıaqtalǵanyn jáne sotty kútedi. Olarǵa «memlekettik shekarany zańsyz kesý» jáne «kontrabanda» baptary boıynsha aıyp taǵylýda.

Ózbekstandyq shekarashylar ustaǵan jerlesterimizdiń birinen 100 oǵy bar «Saıga» markaly ańshy myltyǵynyń tabylýy isti qıyndatyp otyr.