Ózbekstanda ushaqtardy lazermen nysanaǵa alý jaǵdaıy jıilegen
ASTANA. KAZINFORM – Ózbekstanda ushaqtardyń ushyp-qonýy kezinde lazer sáýlesimen kedergi jasaý jaǵdaılary jıilep ketken. Keıingi 5 aıda osyndaı 6 oqıǵa tirkelgen. Bul týraly UzNews jazdy.
Ózbekstan áýejaıy jolaýshylar men ekıpajdyń ómirine qaýip tóndiretin lazer qoldanýshylar ákimshilik jaýapkershilikke tartylatynyn eske saldy.
2023 jyly 10 jaǵdaı, 2024 jyldyń 1 qańtary men 10 mamyry aralyǵynda 6 jaǵdaı tirkeldi. Mundaı oqıǵalar týraly derekter ekıpaj músheleriniń aıtýy negizinde anyqtaldy.
Kompanııa mundaı áreketteri úshin azamattar Ózbekstan Respýblıkasynyń Ákimshilik jaýapkershilik týraly kodeksiniń 116-1 baby boıynsha (Áýe kemesin paıdalaný kezinde lazer sáýlesimen kedergi jasaý) jaýapkershilikke tartylýy múmkin ekenin eske saldy. Osy bapqa sáıkes, áýe kemesine lazer sáýlesin baǵyttaý arqyly kedergi jasaý – aıyppul salýǵa nemese quqyq buzýshylyq zattary tárkilenip, 15 táýlikke deıin ákimshilik qamaýǵa alynýy múmkin.
