Ózbekstanda Ulttyq paralımpıada komıteti quryldy

TAShKENT. QazAqparat – Ózbekstanda Ulttyq paralımpıada komıteti quryldy. «Paralımpıadalyq qozǵalysty damytý boıynsha qosymsha sharalar týraly» tıisti qaýlyǵa 18 mamyrda Ózbekstan prezıdenti Shavkat Mırzıeev qol qoıdy, dep habarlaıdy QazAqparat ÝzA-ǵa silteme jasap.

Komıtet Ózbekstannyń Ulttyq paralımpıadalyq qaýymdastyǵy negizinde qurylady. Paralımpıadalyq komıtetke Ózbekstannyń barlyq óńirleri men qalalarynda paralımpıadalyq sport ortalyqtary men klýbtaryn qurý, paralımpıadalyq sport túrleri boıynsha jattyqtyrýshylardy, nusqaýshy-ádiskerlerdi jáne basqa da mamandardy qaıta daıarlaýdyń, biliktiligin arttyrýdyń jáne kásibı damytýdyń zamanaýı júıesin ázirleý jáne engizý mindeti júktelgen.

Respýblıkada paralımpıadalyq sport túrleri boıynsha mamandar daıarlaý ınstıtýty jáne Ózbek memlekettik dene shynyqtyrý jáne sport ýnıversıtetiniń paralımpıadalyq fakýlteti qurylady. «Paralımpııa» kafedrasy, sondaı-aq «Beıimdelgish saýyqtyrý, dene tárbıesi jáne sport» magıstratýra mamandyǵy ashylady.

2021 jylǵy 1 qyrkúıekten bastap Ózbekstanda «Barlyǵyna arnalǵan sport» jobasy iske qosylady. Onyń aıasynda jyl saıyn 3 jeltoqsanda – Halyqaralyq múgedekter kúni respýblıkalyq parasporttyq festıval ótkiziledi dep josparlanýda.