Ózbekstanda soǵys ardagerlerine «Jeńistiń 80 jyldyǵy» medali beriledi
TAShKENT. KAZINFORM — Ózbekstan prezıdenti Shavkat Mırzıeev Uly Jeńistiń 80 jyldyǵyn atap ótýge baǵyttalǵan jarlyqqa qol qoıdy, dep habarlaıdy Kazinform agenttiginiń menshikti tilshisi.
Qujatqa sáıkes, Uly Otan soǵysynyń ardagerlerine 10 myń dollar kóleminde bir rettik aqshalaı syıaqy beriledi. Sonymen qatar, dárejesi osy sanattaǵy adamdarǵa teńestirilgen ózbekstandyqtarǵa 25 mln sým (shamamen 970 myń teńge) usynylady.
Al 1941-1945 jyldar aralyǵynda maıdan qajettiligi úshin eńbekke tartylǵan azamattar 3 mln sým (116 myń teńge) alady.
Jarlyqta jazylǵandaı, bul baǵyttaǵy shyǵystar respýblıkalyq bıýdjet esebinen óteledi.
Buǵan qosa, soǵys ardagerlerine Jeńistiń 80 jyldyǵy medali beriledi, sondaı-aq túrli is-sharalar uıymdastyrylady. Qujatqa sáıkes, 9 mamyr kúni saǵat 21:00–de Tashkent qalasynda otshashý bolady.
Qosa ketsek, bıyl Ekinshi dúnıejúzilik soǵystaǵy Jeńiske 80 jyl tolady. Osyǵan baılanysty TMD elderinde 2025 jyl «Jeńistiń 80 jyldyǵy jáne natsızmge qarsy kúrestegi birlik jyly» dep jarııalandy.
Ústimizdegi jyly Astanadaǵy Uly Otan soǵysynyń ardagerlerine 5 mıllıon teńgeden beriledi