Ózbekstanda Uly Abaıdyń 180 jyldyǵy atalyp ótedi
TAShKENT. KAZINFORM – Bıyl Abaı Qunanbaıulynyń 180 jyldyǵy Ózbekstanda keń aýqymda atalyp ótpek, dep habarlaıdy Kazinform agenttiginiń menshikti tilshisi.
Bul týraly Kazinform tilishsine suhbat bergen Ózbekstan Jazýshylar odaǵyna qarasty Qazaq ádebıeti keńesiniń tóraǵasy Tursynáli Ahmetov málim etti.
- Bıyl Abaı Qunanbaıulynyń 180 jyldyǵyn joǵary deńgeıde atap ótý josparlanyp otyr. Tıisti is-sharalardyń tizimi bekitilip jatyr. Buǵan qatysty Qazaq ádebıeti keńesi óziniń qajetti usynysyn engizdi, - dep toqtaldy Tursynáli Ahmetov.
Ol atap ótkendeı, bıyl Ózbekstan óńirlerinde ǵylymı-tájirıbelik konferentsııa, jyr músháıralary men túrli baıqaýlar uıymdastyrylady.
- Atap aıtqanda, Abaı Qunanbaıulynyń eńbekterin nasıhattaý maqsatynda oqýshylar men jastar arasynda túrli konkýrstar uıymdastyrylady. Munymen birge, jyr músháırasy jáne halyqaralyq aqyndar aıtysy ótkiziledi, - dedi Tursynáli Ahmetov Kazinform tilshisiniń saýalyna jaýap bere otyryp.
Eske salaıyq, bıyl elimizde hákim Abaıdyń 180 jyldyq mereıtoıy atalyp ótedi.
Buǵan qosa, byltyr Ózbekstanda birqatar qazaq jazýshycynyń mereıtoıy atalyp ótti.
Munymen qatar, 2024 jyly Ózbekstandaǵy qazaq qalamgerleriniń 20-ǵa tarta kitaby jaryq kórip, úsh qandasymyz kórshiles eldiń Jazýshylar odaǵyna múshe atandy.