Ózbekstanda týystar bir-birine úılenbes úshin nekege turatyndar test tapsyrady
Test tapsyrý úshin bolashaq jas jubaılar Ózbekstan Respýblıkalyq reprodýktıvti densaýlyq ortalyǵyna jáne onyń Qaraqalpaqstan Respýblıkasy, oblystar men Tashkent qalasyndaǵy óńirlik ortalyqtaryna baryp, respýblıkalyq mamandandyrylǵan gematologııa ǵylymı-praktıkalyq medıtsınalyq ortalyǵynyń zerthanasynda test tapsyrady.
Bul rette omyrtqa bulshyqeti atrofııasynyń genetıkalyq tasymaldanýy rastalǵan nekede turǵan adamdardyń derekteri Biryńǵaı ulttyq tizilimge engiziledi.
Ózbekstan basshysynyń «Omyrtqa bulshyqeti atrofııasy dıagnozy qoıylǵan balalarǵa medıtsınalyq-áleýmettik kómek kórsetý júıesin qurý jáne dári-dármekterdi tegin jetkizý jónindegi sharalar týraly» Jarlyǵyna sáıkes, tıisti mınıstrlikterge bıylǵy 1 shildege deıin ázirlenip, memlekettik organdarǵa usyný mindeti júkteldi.
Mınıstrler kabıneti dıagnostıka úshin alynǵan bıomaterıaldardy zerthanalyq tekserýden ótkizý tártibin kózdeıtin normatıvtik qujat jobasyn ázirleıdi.
Jarlyqqa sáıkes, omyrtqa bulshyqeti atrofııasy dıagnozy qoıylǵan naýqas balalardy emdeý úshin dárigerlerdiń konsýltatsııasyn uıymdastyrý jáne olardyń emdelýin baqylaý úshin joǵary bilikti mamandardan turatyn turaqty jumys toby qurylady.