Ózbekstanda týý kórsetkishi tómendedi
TAShKENT. KAZINFORM — Byltyr Ózbekstanda týý kórsetkishi 5 paıyzǵa tómendedi, dep habarlaıdy Kazinform agenttiginiń menshikti tilshisi.
Ulttyq statıstıka komıtetiniń dereginshe, 2025 jyly respýblıkada 879,6 myń sábı dúnıege keldi, bul 2024 jylmen salystyrǵanda 46,8 myń adamǵa kem.
Sonymen qatar, byltyr tirkelgen nekeler sany da az. Atap aıtqanda, 2024 jyly 271,8 myń jup otbasyn qursa, 2025 jyly shańyraq kótergenderdiń qatary 4,7 myńǵa qysqaryp, 267,1 myńǵa teńeldi.
Bul rette ajyrasý derekteri jıiledi. Máselen, byltyr elde mundaı 46,9 myń jaǵdaı tirkeldi, bul 2024 jylǵy kórsetkishpen salystyrǵanda 1,8 myńǵa kóp.
Qamtylyp otyrǵan aralyqta qaıtys bolǵandardyń da sany az emes, ıaǵnı, ótken jyly 177,1 myń adam ómirden ótti. Tıisinshe, 2024 jylǵa qaraǵanda bul 2,7 myń adamǵa kóp.
Eske salaıyq, byltyr Ózbekstan halqynyń sany 38 mıllıonnan asqan edi.
Birikken ulttar uıymynyń boljamyna saı, 2100 jylǵa qaraı Ózbekstan halqynyń sany 74 mıllıonnan asýy yqtımal.