Ózbekstanda týrızm mınıstrligi quryldy

TAShKENT. ÓzA – QazAqparat – Ózbekstanda Týrızm jáne sport mınıstrligi quryldy, dep habarlaıdy QazAqpara ÓzA agenttigine silteme jasap.

Ózbekstan Prezıdenti Shavkat Mırzııaev «Týrızm, sport jáne mádenı mura salasyndaǵy memlekettik basqarý júıesin odan ári jetildirý sharalary týraly» jarlyqqa qol qoıdy.

Jarlyqqa sáıkes, Dene shynyqtyrý jáne sport mınıstrligi men Týrızmdi damytý jónindegi memlekettik komıtet negizinde Týrızm jáne sport mınıstrligi quryldy. Ol týrızm, sport jáne mádenı mura salasyndaǵy birtutas memlekettik saıasatty iske asyratyn memlekettik basqarý organy bolyp tabylady.

Týrızmdi damytý jónindegi úılestirý keńesi týrızm, sport, mádenı mura, kólik logıstıkasy jáne qyzmet kórsetý salasyndaǵy memlekettik-jekemenshik seriktestik pen tsıfrlandyrý jónindegi úılestirý keńesi bolyp qaıta quryldy.