Ózbekstanda týrısterge vızany alyp tastaý 2021 jylǵa deıin shegerildi
ASTANA. QazAqparat - Ózbekstan Prezıdentiniń jarlyǵymen kóktemge josparlanǵan 20 eldiń týrısterine vızany alyp tastaý 2021 jylǵa deıin keıinge qaldyryldy, dep habarlaıdy gazeta.uz.
Eske salsaq, Ózbekstannyń Memleket basshysynyń 2 jeltoqsandaǵy jarlyǵyna sáıkes 1 sáýirden bastap 15 eldiń azamattaryna, 12 elden 55 jasqa jetken týrıster úshin vızalyq rejimdi joıý josparlanǵan.
Jarlyqta atap ótilgendeı, vızany alyp tastaýdy keıinge qaldyrý sheshimi «týrıstik qyzmetti ornyqty jáne teńgerimdi damytý, qajetti materıaldyq-tehnıkalyq baza qurý, shetel týrısteri men respýblıka azamattary ómiriniń qaýipsizdigi men densaýlyǵyn qamtamasyz etý» maqsatynda qabyldanǵan.
