Ózbekstanda týystar arasyndaǵy neke úshin jaza qatańdatylady

TAShKENT. KAZINFORM — Ózbekstanda neke jasyna tolmaǵan adammen otabsyn qurǵandarǵa qatysty jazany qatańdatý josparlanyp otyr, dep habarlaıdy Kazinform agenttiginiń menshikti tilshisi. 

Ádilet mınıstrliginiń málimetinshe, taıaýda tıisti zań jobasy ázirlendi. Qujatqa sáıkes, endi erte neke úshin 50-100 baza eseptik shama aralyǵynda (880 myń teńgeden 1,8 mln teńgege deıin) aıyppul salynady nemese 300 saǵatqa deıin qoǵamdyq jumystarǵa tartylady. Sondaı-aq, osyndaı áreketke barǵandar 2 jyl túzetý jumystaryn oryndaýǵa mindetteledi.

Qazirge zańnamaǵa saı, osyǵan uqsas quqyq buzýshylyq úshin 20-30 bazalyq eseptik shama aralyǵynda aıyppul salynady nemese 240 saǵatqa deıin qoǵamdyq jumysqa tartylady.

Munymen birge, tıisti qujatpen týystar arasyndaǵy nekege tyıym salý usynylyp otyr. Atap aıtqanda, aǵa men jıen, ápke men jıen jáne bólelerdiń ózara otbasyn qurýyna shekteý qoıylady. Bul rette, eger erli-zaıyptylardyń biri asyrandy bolǵan jaǵdaıda nekege ruqsat berilýi yqtımal.

Eske salaıyq, byltyr 10 aıda turmystyq zorlyq-zombylyq jasaǵan 10 myńnan astam ózbekstandyq jazalandy.