Ózbekstanda trıatlonnan álem kýbogy ótedi

TAShKENT. KAZINFORM – 18-19 mamyrda Ózbekstannyń Samarqand qalasynda trıatlonnan álem kýbogy ótedi. Sondaı-aq jarys aıasynda Ózbekstan chempıonaty men Azııa trıatlon konfederatsııasynyń kezekti forýmy, Ortalyq Azııa trıatlon qaýymdastyǵynyń kongresi de ótýi josparlanǵan. Bul týraly UzA agenttigi jazdy.

«World Triathlon Cup Samarkand — 2024», «World Triathlon Para Cup Samarkand — 2024» álem kýbogy jarystary álem nazaryndaǵy jarystardyń biri. Óıtkeni bul jarystar sportshylardyń Parıj Olımpıadasyna joldama alýyna taǵy bir múmkindik. Sondyqtan baıqaýǵa qyzyǵýshylyq óte joǵary. Oǵan 300-den astam halyqaralyq kásibı sportshylar qatysady dep kútilýde.

Sonymen qatar, ústimizdegi jyldyń 7-8 qyrkúıeginde Ózbekstanda «Challenge Samarkand — 2024» halyqaralyq trıatlon jarysy da ótedi.