Ózbekstanda toıǵa kelgen qonaqtar men jas kelin koronavırýs juqtyrdy
TAShKENT. QazAqparat – Ózbekstanda toıǵa kelgen 12 qonaq pen jańa túsken kelin koronavırýs juqtyryp aldy, dep habarlaıdy «QazAqparat» HAA menshikti tilshisi.
Ózbekstannyń Densaýlyq saqtaý mınıstrliginiń málimetinshe, Tashkent qalasynyń ıÝnýsabad aýdanynda jergilikti turǵyn tórt kúnniń ishinde eki toı ótkizip úlgergen.
Toı-tomalaq saldarynan 12 adam, sondaı-aq jańa túsken kelin de indetti juqtyryp alǵan.
Qazirgi ýaqytta osy toıda bolǵan júzge tarta adam koronavırýsqa testten ótken. Sonymen qatar sharalarǵa qatysqandardyń bári – toı ıesiniń otbasy músheleri, týystary men onymen baılanysta bolǵan adamdar statsıonarlyq jáne úı karantınine jatqyzylǵan.
Avtory: Mıras Qýandyqov
