Ózbekstanda TNT men DTV arnalaryna tyıym salyndy
ASTANA. 10 aqpan. QazAqparat - Ózbek telestýdııalary bılik tapsyrmasyna silteme jasaı otyryp, reseılik DTV jáne TNT telearnalaryn retranslıatsııa jasaýdy toqtatady, dep habarlady Lenta.rý «Ferǵana» agenttigine silteme jasaı otyryp.
«Ónegesizdik jáne bımoraldyq» - tyıym salynýdyń múmkin bolar sebebi, óıtkeni TNT telearnasynda «Seks s Anfısoı Chehovoı» jáne «Dom-2» baǵdarlamalary kórsetiledi. Atap keterligi, Anfısa Chehova 2011 jyldyń qańtar aıynan DTV telearnasynda «Qaıyrly tún, jigitter!» baǵdarlamasyn júrgizip jatyr.
