Ózbekstanda TMD-daǵy eń uzyn júk tasıtyn aspaly jol salynady
ASTANA. 17 shilde. QazAqparat - Ózbekstanda TMD-daǵy eń uzyn júk tasıtyn aspaly jol salynady. Bul týraly ITAR-TASS habarlady.
Uzyndyǵy 33 shaqyrym bolatyn jol Ózbekstannyń Qashqadarııa oblysynda ornalasqan Dıqanabad kalıı tyńaıtqyshtary zaýyty úshin salynbaq. Qazirgi kezde tyńaıtqyn óndirisi úshin shıkizat kalıı tuzdary kenishinen zaýytqa samosvaldarmen jetkiziledi.
Joldy jobalaýmen jáne salýmen Permniń «Batys-Ýral mashına jasaý kontserni» aınalysady. Onyń qurysh qurylǵylaryn jetkizý jóninde «Severstaldiń» enshiles kásiporny - «Radellı» kompanııasymen shart jasalǵan.
Joldyń smetalyq quny 43 mıllıon dollarǵa baǵalanýda. Onymen jylyna 2,1 mıllıon tonna júk tasymaldanbaq.
Dıqanabad kalıı tyńaıtqyshtary zaýyty 2010 jyly iske qosylǵan bolatyn. Onyń jobalyq qýaty - jylyna 200 myń tonna ónim shyǵarý. Kásiporyn aldaǵy ýaqytta qýaty jylyna 400 myń tonnalyq taǵy bir óndiristik jelini iske qosýdy josparlap otyr.
